sábado, mayo 11, 2013

Valencia

Non podo resistir a compartir con todos e a todas vos este marabilloso video que solucionará todos os problemas que teñades para cociñar unha paella

miércoles, mayo 08, 2013

AUMENTAME 2013. Xornada de tarde

Da man de Lab Human e Esteban Anguita presentouse XeoAumentaty e Aumentaty visual search, que estarán dispoñibles a partir do verán. Óscar Guerrero presentou a ferramenta de autor DOBOOK que permite a creación de contidos así como de actividades auto avaliables. Raúl Reinoso realizou un excelente relatorio, onde nos demostrou, como a animación en 3D xa non necesita de complicados programas informáticos. Grazas a el, descubrimos a realidade aumentada fotorealista, que consiste en xerar imaxes en 3D utilizando a fotografía. Raúl falounos do programa 1,2,3 D CATCH que nós xa levamos un tempo experimentando con el.

Finalmente chegou a hora dos talleres e decidimos asistir ao de Raúl Reinoso. Alí Raúl explicou detalladamente en que consistía o AUMENTATY, como importar, exportar ficheiros, como conseguir modelos 3D, como manipular os obxectos, etc.

AUMENTAME 2013. Xornada de mañá

Valencia
Es la tierra de las flores de la luz y del amor
Valencia
Tus mujeres todas tienen de las rosas el color
SÁBADO 20 abril 2013
Luz, si. Amor, non sabemos. Das mulleres non falamos
Hoxe estivemos en Aumentame 2013 onde gozamos dunha extraordinaria xornada na que coñecemos persoas e proxectos extraordinarios, outros non tanto, relacionados coa innovación, a educación e a Realidade Aumentada. 

Chegar ao Cubo Azul, na Cidade Politécnica da Innovación de Valencia, foi unha tarefa difícil. Incluso os taxistas non se poñían dacordo. Por fín, á hora precisa chegamos e recollemos o material. 

O primeiro relatorio, trala inauguración da xornada por parte da Conselleira de Educación, Cultura e Deporte da Generalitat Valenciana, Mª José Catalá Verdet, foi para Mariano Alcañíz, director de LAb Human, que insistiu na idea de que non debemos FORMAR ALUMNOS do SÉCULO XXI con METODOLOXÍAS do SÉCULO XX e con CONTIDOS do SÉCULO XIX.

Logo viñeron catro experiencias de usa da REALIDADE AUMENTADA nas aulas: 


Aplicación dos códigos QR e a Realidade Aumentada para comprender a complexidade do discurso artístico por Javier Sánchez Bolado e Txema Aguiriano González. 


Aplicacións educativas con códigos QR e Realidade Aumentada en Educación Infantil para o desenvolvemento das competencias básicas por Marta Reina Herrera e Sara Reina Herrera. 


Realidade Aumentada, web 2.0 e mobile learning en Formación Profesional por Bernat Llopis e Loli Iborra Sales. 


A Realidade Aumentada aplicada ás linguas clásicas e á economía por Francesc Nadal Rius. 

AUMENTAME 2013



Paso el tiempo de dormir
Ya los gallos muy contentos 
cantaron kikiriki
Ya viene amaneciendo
ya la luz del dia nos dió.
Levantarte de la mañana,
mira que ya amaneció.

VALENCIA

VENRES 19 ABRIL 2013


ÁS 5.15 toca o reloxo. É hora de se levantar para emprender a viaxe cara a Valencia. Saímos ás 08:50 do Aeroporto de Santiago de Compostela. Todo transcorre con normalidade e chegamos a Valencia. Agárdanos un día longo que iniciamos con moitas ganas tralo paso polo hotel a deixar a equipaxe.

A primeira parada é A CIDADE DAS ARTES E DAS CIENCIAS, complexo arquitectónico, cultural e de entretemento da cidade de Valencia, deseñado por Santiago Calatrava e Félix Candela.


Despois do percorrido polo exterior da Cidade (nin o noso peto, nin o tempo que tiñamos daban para unha visita ao interior dos magníficos edificios) dirixímonos cara o Paseo de Neptuno para ver e gozar da Praia da Malvarrosa e, como non, das terraciñas do paseo.



Alí probamos as paellas valencianas. Iamos avisados de a que locales non deberíamos ir pero …claro!! Non fixemos caso! A paella do RESTAURANTE CASA PEPICA non estaba moi boa pese á fama do local. Dise que ahí é a onde vai o Rei Xoán Carlos e Dona Sofía. De feito, na parede colgaba un cadro coa sinatura das súas maxestades. En fin, parece que non coincidimos nos gustos. Pola tarde, tras unha agradable sobremesa, decidimos visitar a parte vella da cidade. E fomos ata a Praza do Concello onde probamos a orchata.



Logo visitamos o Mercado Central, un precioso edificio de estilo modernista


A Catedral, adicada a Santa María, é predominantemente de estilo gótico aínda que a súa construción prolongouse ao longo de varios séculos polo que hai unha mestura de estilos artísticos que a converten nunha xoia da arquitectura universal.

Destaca o Miquelet ou Micalet, nome que recibe popularmente o campanario de 58’80 metros da Catedral de Valencia, e é un dos principais símbolos da cidade de Valencia. O seu nome é un diminutivo do da campá principal, Miquel, que coa fonética local derivou a Micalet, nome co que verdadeiramente é coñecida a torre.



Despois dunha cea lixeira preto da Catedral retirámosnos xa que ao día seguinte nos agardaba unha longa xornada na Cidade Politécnica da Innovación de Valencia.


martes, marzo 12, 2013

Día 4. Remata...

Visita ao Liceo Español García Lorca. A visita que ía durar unha hora durou toda a mañá. Trato inmellorable. Ensináronnos as instalacións e mostráronse moi interesadas polo noso proxecto. Prometeron unha visita ao noso cole a finais de curso. Estaremos encantados de recibilos.
Tamén puidemos coñecer ao director da ALCE (Agrupación de Lingua e Cultura Española) interesado tamén pola nosa labor, comentounos que ían poñer en marcha unha Aula Virtual de formación.
Volta ao hotel....isto remata... Bus cara o aeroporto de Orly. Chegamos a Madrid e "grazas" á folga de Iberia "só" tardamos 8 horas en chegar a Coruña en bus.
Non importou, a viaxe mereceu a pena tanto profesional como persoalmente.

DÍA 3-Xornada da tarde.


Destacamos as seguintes intervencións:
Elena Duro (UNICEF), Corina Lusquiños   e Hugo Labate, estes dous últimos do Proxecto Gema deron a coñecer o programa “SMILe-CIS” (desenvolto co apoio de UNICEF Arxentina). Trátase dunha ferramenta de administración dirixida, principalmente, a directores para compartir mensaxes con información xeral, consellos, coñecementos e datos sobre o proceso de ensino.
Teija Vainio e Tanja Walsh (Universidade politécnica de Tampere) presentaron “Nokia Mobile Mathematics”, proxecto que pretende apoiar a aprendizaxe e o ensino das matemáticas con dispositivos móbiles. Realizado en zonas urbanas e rurais de África do Sur e Finlandia. Obtivéronse resultados positivos en canto a motivación do alumnado cara as matemáticas e comprobouse tamén unha mellora substancial na competencia dixital do profesorado.
Anuragini Nagar (Sesame Workshop India Trust) utilizan o poder dos medios de comunicación para axudar aos nenos/as a alcanzar o seu máximo potencial cognitivo, socio-emocional e físico. Desenvolven e distribúen contidos a través da televisión, raio, radio comunitaria e impresión dixital; dirixido a neno/as de 0-8 anos.
Clausura o acto Francesc Pedró  (xefe da sección de políticas de desenvolvemento e educación  da UNESCO) remarcando as liñas de investigación que deben dirixir os traballos durante o presente ano:
  • TICs e capacidades do século XXI
  • Novos modelos de educación. Impacto e resultados nos estudantes.
  • Avaliación da educación móbil.
Paseo e cea preto do hotel e á volta... auga quente por fin!

DÍA 3- Xornada da mañá

Seguimos sen auga quente no hotel...aquí non imos facer comentarios pero alí xa deixamos moi claro o que pensabamos.
Nesa mañá expuxeron:
- Silvia Beatriz Ortega Salazar e Patricia Pernas da Universidade Pedagóxica Nacional en México. Conferencia relativa ás competencias da linguaxe con tecnoloxía móbil.
- Martín Restrepo da Editorial Editacuja (Brasil) quen deu a coñecer o proxecto “Mobile Education Lab (MEL) e os seus tres puntos básicos: descubrir-experimentar-inventar.
- Daniel Torres e Marta Cáceres presentando a comunidade “unX” (comunidade latinoamericana de espírito empresarial e economía dixital) que ten como estratexia principal a de implementar un novo modelo de educación superior baseado no uso intensivo das tecnoloxías como ferramenta para facilitar o acceso a recursos educativos e novos métodos innovadores para unha aprendizaxe permanente.

DÍA 2- Xornada da tarde

Da mesa redonda moderada por Fengchun Miao (UNESCO) hai que destacar a presenza de Matthew Scheneps (Harvard University) e os seus estudos sobre o uso das tablets na lectura concluíndo que os procesos lectores melloraron sen a presenza dos docentes e co uso da tablet sendo máis beneficiosas as pantallas pequenas xa que axudan a centrar a atención.
Do resto de participantes destacar as seguintes achegas:
a necesidade de completar os libros de texto cos dispositivos móbiles
a conciencia que teñen as editoriais de crear contidos dixitais
urxencia de formar ao profesorado no referente a toda a tecnoloxía emerxente.
Deste último tema estanse a levar a cabo traballos en países coma o Senegal en colaboración con NOKIA e a UNESCO.
Pierre-Jean Loiret, representando a ORANGE presentou o "kit pedagóxico" que ofrecen aos países aos que lles dan soporte.
E por último esa tarde coñecemos IFADEM, plataforma móbil fora de liña (offline) de aplicación para as actividades educativas dos mestres/as.

Día 2- Xornada da mañá


Non hai auga quente no hotel...sen comentarios...
O almorzo boísimo. A fama dos croissants de París é por algo.
A UNESCO está a 5' do hotel. Ás 08:30 estabamos alí para recoller a documentación e as nosas tarxetas.

Inaugura as xornadas Francesc Pedró (xefe da sección de políticas de desenvolvemento e educación  da UNESCO), Erkki Ormala (vicepresidente de Nokia) e Steve Duggan (director da sección educativa de Microsoft). Ideas centrais na que se basearían o resto dos relatorios:
  • innovación educativa
  • conseguir a igualdade de oportunidades en países subdesenvolvido e en sectores máis desfavorecidos como é o das nenas e mulleres
  • potenciación da aprendizaxe móbil para fomentar a escolarización dos sectores máis desfavorecidos
Expón Bhanu Potta (representante de Nokia) "Bringing mobile learning to scale: lessons and challenges”. Explica os programas Nokia Life e a versión mellorada Nokia Life+. Programas que se basean na aprendizaxe a través de SMS. Colaboración con British Council e English Teacher.
Do relatorio de Dan Wagner (Universidade de Pensylvania) destacar que o camiño cara o éxito pasa por mellorar a competencia bilingüe e dixital.

O PDB NA “UNESCO MOBILE LEARNING WEEK”. 18-19 Febreiro de 2013. UNESCO-París.


DÍA 1:
Madrugamos para aproveitar o día ou almorzamos en Coruña  sen presa e logo marchamos para París?. Sen dúbida madrugamos! A experiencia de ir a UNESCO pode que non se volva a repetir (ou si) así que non había tempo que perder.
Así, o domingo día 17 collemos o avión que sae de Alvedro ás 06:30 e parando en Madrid chegamos a París arredor das 11. 

Cóllelo bus e chegar ao hotel foi doado, tampouco se nos deu moi mal o francés...
Hotel: pequeniño e acolledor. Pintaba ben aínda que despois foi o peor da viaxe. 
Dedicamos o día a pasear e recordar París.
Subimos a Torre Eiffel...que frío facía! Pero mereceu a pena. Xantamos na avenida dos Champs Elysees e o resto do día camiñar e camiñar...falar e falar... Que nos atoparíamos ao día seguinte?