martes, marzo 12, 2013

DÍA 2- Xornada da tarde

Da mesa redonda moderada por Fengchun Miao (UNESCO) hai que destacar a presenza de Matthew Scheneps (Harvard University) e os seus estudos sobre o uso das tablets na lectura concluíndo que os procesos lectores melloraron sen a presenza dos docentes e co uso da tablet sendo máis beneficiosas as pantallas pequenas xa que axudan a centrar a atención.
Do resto de participantes destacar as seguintes achegas:
a necesidade de completar os libros de texto cos dispositivos móbiles
a conciencia que teñen as editoriais de crear contidos dixitais
urxencia de formar ao profesorado no referente a toda a tecnoloxía emerxente.
Deste último tema estanse a levar a cabo traballos en países coma o Senegal en colaboración con NOKIA e a UNESCO.
Pierre-Jean Loiret, representando a ORANGE presentou o "kit pedagóxico" que ofrecen aos países aos que lles dan soporte.
E por último esa tarde coñecemos IFADEM, plataforma móbil fora de liña (offline) de aplicación para as actividades educativas dos mestres/as.
Foi fascinante poder falar nos descansos con xente coma Martín Restrepo (Brasil) ou Luís Garibaldi (Uruguay) os cales lles puidemos expoñer o noso proxecto PDB e intercambiar ideas para posibles futuras colaboracións.


Volta ao hotel: buscamos direccións de correo e mandamos a memoria a xente coa que estivemos falando pola tarde. Grazas o whatsaap o equipo directivo do PDB máis Fernando estiveron informados das nosas andanzas así que estiveron preto de nós tamén. O rematar cambio de calzado para estar máis cómodas e volta a camiñar. Cea d crepe e chocolate quente mentres paseamos por Trocadero, falando sen parar e con miles de ideas na cabeza.

No hay comentarios: